Kocha wa Arenal Arsene Wenger leo ametia saini mkataba wa miaka miwili kama meneja wa klabu hiyo hadi mwaka 2017 Wenger ambae kwa sasa ana miaka 64 ameongoza Arsenal na kufanikisha ushindi wa mataji 8 tangu kujiunga na klabu hiyo Septemba mwaka 1996.
Msimu huu Wenger ameongoza timu hiyo hadi kufuzu kwa mara ya 17 kwa kombe la klabu la mabingwa ulaya na kupata ushindi aliosubiri kwa hamu kwa miaka 9 dhidi ya Hull City katika fainali ya kombe la FA Cup.
Mkataba wa Wenger ulikua unamalizika mwaka huu ingawa Arsenal ilikuwa haijawahi kushinda taji la nyumbani tangu mwaka 2005 ingawa walifika fainali ya kombe la mabingwa wa Ulaya mwaka 2006.
Wenger ambaye kwa sasa ni meneja mkongwe zaidi katika ligi ya Ulaya baada ya Sir Alex Ferguson kustaafu mwezi Mei mwaka 2013,anasifika kwa kuleta mawazo mapya kuhusu michezo na lishe bora katika soka Uingereza.
Ushindi mkubwa wa Wenger ulikuwa wakati ambapo alishinda kombe la ligi ya Premier kati ya mwaka 2003-04 alipokuwa na wachezaji kama vile Thierry Henry na Patrick Vieira.
Wenger pia alimsajili Mesut Ozil kwa kima cha dola milioni 42.4 kwa msimu ambao umekamilika.
Hii ndiyo rekodi aliyoiweka Arsenal Wenger.
- Ligi ya Premier:1998, 2002, 2004
- Kombe la FA:1998, 2002, 2003, 2005, 2014
- Kombe la Community Shield:1998, 1999, 2002, 2004
- Kombe ya ligi ya klabu bingwa nafasi ya 2: 2006
- Nafasi ya pili kombe la Uefa Cup:2000
- Nafasi ya pili Kombe la League:2007, 2011
