Mwanadada anayefahamika kama Abby Platjees aliyewahi kuwa mshiriki wa Big Brother na pia mjasiriamali katika vyombo vya habari kutoka Africa kusini ambaye makazi yake alihamisha nchini Tanzania akiendelea na kazi yake ya utangazaji MjiniFm katika kipindi Cha (Roundabout), sasa ameongeza uandishi wa vitabu kuwa miongoni mwa vitu anavyopenda kufanya.
Abby amezindua kitabu chake na kulipa jina la “The life in my men” ambapo akizungumza na waandishi wa habari amesema kitabu hicho ni kumbukumbu ya kuvutia inayoelezea wanaume waliopo na waliopita katika maisha yake, nyakati alizopitia na mengine mengi.
Huu ni uzinduzi mkubwa uliofanyika jijini dar es salaam ambapo umewakutanisha watu mashuhuri kutoka sehemu tofauti, ndugu, jamaa na marafiki.
