Shabiki mmoja wa soka nchini Brazil mwenye umri wa miaka 30 ambaye jina lake halijatambulika amekuwa gumzo mitandaoni kutokana na maamuzi aliyoyafanya.
Shabiki huyo wa Brazil ambaye afya yake sio nzuri sana ameandika wosia ambao anataka ikitokea amefariki utajiri wake wa USD milioni 200 (Tsh Bilioni 482) alirithishwe Staa wa soka wa PSG na Timu ya Taifa ya Brazil Neymar.
“Nampenda sana Neymar na navutiwa namna anavyoishi pia na baba yake, inanikumbusha mbali namna nilivyokuwa naishi na marehemu baba yangu, siko vizuri kiafya, hivyo kwa sababu hiyo sioni mtu yoyote wa kumrithisha vitu vyangu zaidi yake”
Shabiki huyo pia alidai awali alitumia mbinu kadhaa kutaka kumrithisha Neymar mali zake lakini hakufanikiwa hadi alipoamua kuandika wosia ambao umeshuhudiwa katika ofisi rasmi ya kisheria nchini Brazil katika mji wa Porto Alegre.
Neymar pia anakadiriwa kuwa na utajiri wa zaidi ya dola za Kimarekani milioni 200 ila kwa mujibu wa jarida la Forbes mwaka huu 2023 Neymar anatarajia kuvuna kiasi cha USD milioni 85 (Zaidi ya Tsh Bilioni Bilioni 200) kutoka katika shughuli zake mbalimbali #MillardAyoSPORTS
