Rais wa klabu ya MLS Inter Miami amefichua kuwa kikosi chake kinafikiria kuwanunua Jordi Alba na Luis Suarez,huku tayari wamefanikiwa kuwasajili Lionel Messi na Sergio Busquets.
Jorge Mas, Rais wa Inter Miami amethibitisha kuwa klabu hiyo inafikiria kuwanunua nyota wa zamani wa Barcelona Jordi Alba na Luis Suarez.
Klabu hiyo tayari imenasa saini za nyota wawili wa zamani wa La Blaugrana ambao ni Lionel Messi na Sergio Busquets, huku meneja wa zamani wa Barca, Gerardo Martino akitangazwa kuwa kocha mkuu mpya wa MLS.
Alba na Suarez walicheza pamoja katika klabu ya Catalan kati ya 2014 na 2020, na pia wamepangwa pamoja na Messi na Busquets.
“Wachezaji wawili au watatu zaidi watakuja,” alisema.
“Tulizungumza na Jordi Alba – wakati Luis Suarez ana mkataba na kifungu cha kutolewa. Sijui kama hilo litafanyika au la.
“Matangazo yote yatatolewa kabla ya Julai 15.”alimaliza
Inter Miami wataweza kupata saini ya Alba kwa uhamisho wa bure, baada ya mkataba wa beki huyo wa Barcelona kumalizika mwezi uliopita.
Ada itahitajika ili kumsajili Suarez hata hivyo, kwani raia huyo wa Uruguay kwa sasa yuko chini ya mkataba na klabu ya Gremio ya Brazil.
Uhamisho huo ukikamilika, mchezaji huyo wa zamani wa Barcelona anaweza kutinga Marekani kwa mara ya kwanza Julai 21, na hiyo ndiyo tarehe ambayo Messi anatarajiwa kucheza kwa mara ya kwanza MLS.
