Kulingana na The Hollywood Reporter, Foxx – kupitia kampuni yake ya burudani ya Foxxhole Productions na Colin Firth’s Raindog Films watatayarisha filamu hiyo huku Dawn Porter akihudumu kama mwongozaji lakini kitengo cha Maudhui ya Premium cha Sony Music Entertainment (SME) na Uchapishaji wa Muziki wa Sony vitahusika pia.
“Luther ni mmoja wa G.O.A.T.s.,” Foxx alisema katika taarifa. “Yeye ni mmoja wa waimbaji wakubwa katika historia ya muziki. Kwa kweli ni heshima kuwa sehemu ya timu kusaidia kuleta hadithi hii ya kushangaza kwa watu.
“Kama watu wengi, siku zote nimekuwa nikipenda muziki wa Luther, lakini sikuwa na wazo lenye upana na upeo wa usanii wake,” Porter alisema, “Nadhani watu watashangaa jinsi alivyotimiza mafanikio yake katika maisha yake .
Ni furaha kuweza kushiriki kuitengeneza historia yake ya kweli.”
Pia kuna wasifu katika kazi hizo kulingana na kitabu pekee cha wasifu cha Vandross, Luther: The Life and Longing of Luther Vandross, ambacho kiliandikwa na mwanahabari mkongwe wa muziki Craig Seymour.
Luther Vandross alikuwa mmoja wa waimbaji wakubwa wa R&B katika historia ya muziki.
Mshindi huyo mara nane wa Tuzo ya Grammy anafahamika zaidi kwa rekodi zake za kipekee kama vile, “Never Too Much,” “Here and Now,” na “Dancing With My Father.”
Muziki wake umechukuliwa na kuweka katika ladha ya Hip Hop, maarufu zaidi na Kanye West pamoja na Twista kwenye wimbo wa “Slow Jamz” wa 2004.
