Klabu ya Al-Nassr ya Saudi Arabia imepigwa marufuku na FIFA na kuwazuia kusajili wachezaji wapya.
Klabu hiyo imeiongoza Saudi Pro League kusajili baadhi ya vigogo wa soka duniani, na kuanzisha uhamisho huo kwa kumsajili Cristiano Ronaldo kwa mkataba wa pauni milioni 175 kwa mwaka.
Bodi ya shirikisho la kimataifa imesema kwamba miamba hao wa Saudia walishindwa kulipa Leicester kama pauni 390,000 kama nyongeza – pamoja na riba – kwa Ahmed Musa, baada ya Mnigeria huyo kujiunga tena 2018.
Tangu wakati huo, mabingwa hao mara tisa wa kitaifa wamekuwa wepesi kuongeza wachezaji zaidi wa Uropa kwenye safu zao, huku mshindi wa fainali ya Ligi ya Mabingwa na Kombe la Dunia Marcelo Brozovic akiwasili msimu huu wa joto.
Al-Nassr bado wanahusishwa na baadhi ya majina maarufu – kama vile Hakim Ziyech kutoka Chelsea – lakini wanaweza kuwekwa kizuizini baada ya hatua ya FIFA kuwazuia kusajili wachezaji wowote wapya.
Al-Nassr waliambiwa mnamo 2021 kwamba watalazimika kuwalipa pesa wanazodaiwa baada ya uamuzi huo kutolewa rasmi.
Hata hivyo, ingeonekana kuwa hawakuweza kufanya hivyo, na hivyo wameadhibiwa kwa kupigwa marufuku kwa usajili.
Kibaya zaidi klabu hiyo ilionywa katika sheria ya awali kwamba haitakuwa dirisha moja tu, bali ni vipindi vitatu mfululizo vya usajili, na hivyo kusimamisha harakati zao huku wakiendelea kujaribu kujenga kikosi chenye nyota wengi.
Klabu hiyo sasa ina hadi mwisho wa marufuku hizo tatu mfululizo za kulipa ada hiyo, la sivyo wanaweza kupelekwa kwenye Kamati ya Nidhamu ya FIFA.
Wakuu wa vilabu hata hivyo wana imani kuwa ada hiyo italipwa kabla ya kufikia hatua hiyo, na wamedokeza kwamba uangalizi huo ulikuja kabla ya mabadiliko yao ya hivi majuzi ya muundo baada ya Hazina ya Uwekezaji wa Umma kuchukua madaraka.
