Mwanzoni ilisemekana kuwa ni zoezi la utayari lakini Jeshi la Polisi limethibitisha kwamba ni ajali ya kweli iliyotokea Bukoba Mkoani Kagera ya Ndege ndogo ya Jeshi kuanguka kando ya Ziwa Victoria baada ya Marubani kutaka kutua kwa dharura katika uwanja wa ndege wa Manispaa ya Bukoba.
Kamanda wa Jeshi la Polisi Mkoa wa Kagera Blasius Chatanda amethibitisha kutokea kwa tukio hilo na kusema kuwa ndege hiyo ilikuwa na Marubani wawili ambao ni Meja Lenald Revocatus (45) na Luteni Alex Venance Moshi (30) na kusema hali za Marubani hao ni shwari na hakuna majeruhi wala kifo kilichotokana na ajali hiyo.
