Rais wa Urusi Vladimir Putin amesema nchi yake itaendelea kusafirisha nafaka, zikiwemo baadhi ya usafirishaji bila malipo, barani Afrika licha ya vikwazo.
Wakati akijadili kuhusu mkataba uliositishwa wa nafaka wa Bahari Nyeusi katika Mkutano wa Wakuu wa Russia na Afrika huko St Petersburg, aliahidi usafirishaji mkubwa wa nafaka usio na gharama kwa nchi sita za Afrika.
“Nchi yetu itaendelea kusaidia mataifa na kanda zenye uhitaji, haswa, kwa utoaji wake wa kibinadamu,” Putin alisema.
“Tunatafuta kushiriki kikamilifu katika kujenga mfumo wa haki wa mgawanyo wa rasilimali. Tunachukua juhudi kubwa zaidi kuepusha mzozo wa chakula duniani.”
Alirejelea ugumu wa kudumisha usambazaji na kile alichokiita “vikwazo haramu” ambavyo “vinazuia sana usambazaji wa chakula cha Kirusi, ugumu wa usafirishaji, vifaa, bima na malipo ya benki.”
Wajumbe kutoka mataifa mengi ya Kiafrika walitoa wito wa kuwepo kwa makubaliano madhubuti kuhusu usafirishaji wa nafaka.
Mwenyekiti wa Umoja wa Afrika na Rais wa Muungano wa Comoro, Azali Assoumani, alisema: “Mkataba [juu ya usambazaji wa nafaka] lazima uwezekane kujaribu kuokoa maelfu ya watu ambao wanategemea bidhaa hizi kutoka nje.
“Uhakika wa usalama wa chakula wa kiuchumi barani Afrika utakuwa hatarini zaidi, haswa kwa vile bara hilo tayari limeathiriwa vibaya na mtikisiko wa bei ya chakula unaosababishwa na kukatizwa kwa usambazaji wake.
“Kwa hiyo, tunawaomba wadau kutafuta muafaka wa kuruhusu kurejeshwa kwa ajira, ili kupata nafaka kutoka Ukraine na Urusi hadi bara letu.”
Mkutano huo unafuatia Urusi kujiondoa katika mkataba ulioruhusu mauzo ya nje ya Bahari Nyeusi, ambayo ni muhimu kwa nchi nyingi za Afrika, hatua ambayo ililaaniwa vikali duniani kote na kuibua vitisho vipya kwa usalama wa chakula duniani.
Putin alisema kuwa Urusi ilifanya uamuzi wa kujiondoa katika mkataba huo kwa sababu “hakuna masharti yoyote ya mkataba huo, kuhusu uondoaji wa mauzo ya nafaka na mbolea ya Urusi kwenye masoko ya dunia kutoka kwa vikwazo, ambayo yalitimizwa.”
