Marcelo aliondoka uwanjani huku akilia baada ya mpira wake kumvunja mguu mpinzani wake wakati wa mechi ya Copa Libertadores.
Beki wa Argentinos Juniors, Luciano Sanchez alipata jeraha baya wakati Marcelo wa Fluminese alipomkanyaga mguuni kwa bahati mbaya.
Sanchez alitolewa nje ya uwanja, huku gwiji huyo wa Real Madrid akionekana kusikitishwa na kilichotokea.
Tukio hilo lilitokea dakika ya 56 na cha kushangaza Marcelo hakupewa kadi nyekundu.
Mwamuzi aliambiwa aende kwenye skrini ya VAR ili kukagua uamuzi huo katika njia ambayo huenda ikawa rahisi zaidi kupindua.
Marcelo alipiga kwa bahati mbaya na alituma ujumbe kwenye mitandao ya kijamii baada ya mechi.
Aliandika: “Leo, nililazimika kupata wakati mgumu sana uwanjani. Nimemjeruhi mwenzangu bila kukusudia. Nataka kukutakia ahueni bora zaidi Luciano Sanchez. Ninakutumia nguvu zote duniani!”
Argentinos Juniors walikuwa wanaongoza 1-0 wakati wa tukio hilo, kupitia kwa Gabriel Avalos, lakini timu hiyo ya Argentina pia ilijikuta ikiwa chini ya watu 10 pale Alexis Martin Arias alipotolewa nje kwa kadi nyekundu.
Fluminese walijipata tena kwa bao la kusawazisha dakika ya 87 kupitia kwa Samuel Xavier.
Timu hizo zitarudiana Jumanne ijayo katika mkondo wa pili kuwania kufuzu kwa robo fainali.
