Wizara ya kijasusi ya Iran iliwakamata wanachama tisa wa imani ya Baha’i kwa tuhuma za kusafirisha dawa na makosa ya kifedha, vyombo vya habari vya serikali viliripoti Jumatatu.
Gazeti la IRAN lilisema watu waliokamatwa, wengi wao wakiwa wa familia moja, walikuwa na majukumu ya kusafirisha dawa kwa njia ya magendo ingawa walikuwa na mtandao wa maduka ya dawa. Ilisema waliwahonga waganga ili wapeleke wateja kwenye maduka ya dawa na walihusika katika utakatishaji fedha na ukwepaji kodi.
Iran ilipiga marufuku dini ya Baha’i, ambayo ilianzishwa katika miaka ya 1860 na mtukufu wa Uajemi aliyechukuliwa kuwa nabii na wafuasi wake, na mara kwa mara imekuwa ikiwakamata na kuwafungulia mashitaka waumini wa imani hiyo kwa tuhuma za ujasusi na usalama.
Mnamo mwaka wa 2013, Kiongozi Mkuu wa Irani Ali Khamenei, ambaye ana usemi wa mwisho juu ya maswala yote ya serikali, aliwataka Wairani waepuke maingiliano yote na Baha’i.
Mnamo 2022, viongozi waliwakamata waumini kadhaa wa dini hiyo kwa tuhuma za ujasusi.
Wabaha’i wanasema wamekuwa wakiteswa na makasisi wa Kishia nchini Iran tangu kuanzishwa kwa dini yao – jambo ambalo limekua kali zaidi tangu Mapinduzi ya Kiislamu ya 1979.
