Barcelona na Atletico Madrid wanaripotiwa kuendeleza mazungumzo juu ya mkataba wa mkopo wa Joao Felix, huku vilabu hivyo viwili vikakamilisha ada ya mkopo ya euro milioni 7-8.
Kulingana na mwanahabari maarufu wa Italia Gianluca Di Marzio, Joao Felix anakaribia kujiunga na Barcelona. Mabingwa hao watetezi wa La Liga wapo kwenye mazungumzo ya juu na Atletico Madrid kuhusu mkataba wa mkopo wa mchezaji huyo wa kimataifa wa Ureno.
Na huenda Blaugrana akatoa ada ya Euro milioni 7-8 ili kupata huduma yake.
Joao Felix alikuwa mmoja wa vijana wanaotarajiwa kuwa bora zaidi duniani wakati alipoibuka Benfica zaidi ya nusu muongo uliopita.
Na vilabu kadhaa vya hadhi ya juu vilikuwa vinaiwania saini yake kabla ya Atletico Madrid kulipa euro milioni 126 kupata huduma yake lakini mkataba huo haujafanya kazi kwa pande zote mbili, huku mchezaji huyo mwenye umri wa miaka 23 akirudi nyuma katika misimu miwili iliyopita.
