Mawakili wa Rais wa zamani wa Marekani, Donald Trump walipendekeza Aprili 2026 iwe siku yake ya kusikilizwa kwa kesi ya serikali inayomtuhumu kuingilia uchaguzi wa urais wa Marekani wa 2020 na kughushi rekodi zinazohusiana na biashara.
Ombi hilo linakuja huku mwendesha mashtaka mkuu Jack Smith akijaribu kutaka kesi hiyo kuanza Januari 2.
Ni moja ya kesi nne za jinai ambazo Trump sasa anashughulikia katikati ya kampeni yake kwa Ikulu ya White House.
Pendekezo la Trump lilikuja baada ya mwendesha mashtaka wa Georgia Fani Willis kuweka tarehe ya kesi Machi 2024.
“Maslahi ya umma yapo katika haki na hukumu ya haki, sio kukimbilia hukumu,” mawakili wa Trump walisema kwenye jalada lao.
Mawakili hao walidai kuwa kiasi cha hati katika kesi hiyo kingehitaji miezi kadhaa kushughulikiwa.
“Kwa kudhani tunaweza kuanza kupitia hati leo, tungehitaji kuendelea kwa kasi ya kurasa 99,762 kwa siku ili kumaliza uzalishaji wa awali wa serikali kwa tarehe iliyopendekezwa ya uteuzi wa majaji,” walisema.
“Hiyo ni jumla ya Vita na Amani ya Tolstoy, kuanzia sasa hadi uteuzi wa jury, mara 78 kwa siku, kila siku.”
Aidha, Jaji Tanya Chutkan anatazamiwa kuamua tarehe ya kusikilizwa kwa kesi hiyo Agosti 28.
