Waziri Mkuu wa zamani wa Thailand Thaksin Shinawatra amefungwa baada ya kurejea nchini baada ya miaka 15 uhamishoni.
Lakini wengi wanaamini kuwa amepiga dili ambalo litamfanya ashindwe kutumikia kifungo cha zaidi ya kipindi kifupi.
Aliwasili Jumanne asubuhi kwa ndege ya kibinafsi, kabla ya kupiga kura kwa kiongozi ajaye wa Thailand mtangulizi anatoka chama chake cha Pheu Thai.
Kisha alihukumiwa miaka minane, kwa makosa ya zamani ya uhalifu ambayo anasema yalichochewa kisiasa.
Bw Thaksin, kiongozi aliyefanikiwa zaidi aliyechaguliwa nchini Thailand, amekuwa akiogopwa kwa muda mrefu na wanamfalme wa kihafidhina, ambao wameunga mkono mapinduzi ya kijeshi na kesi zenye utata mahakamani ili kumdhoofisha.
Lakini sasa tajiri huyo shupavu na mwenye malengo ya kisiasa amerejea, miaka kadhaa baada ya kuondolewa madarakani na mapinduzi ya kijeshi.
Alitua katika uwanja mkuu wa ndege wa Bangkok kushangiliwa na mamia ya wafuasi waaminifu waliokuwa wamekusanyika usiku kucha kumwona.
Mzee huyo mwenye umri wa miaka 74 mara moja alipelekwa katika Mahakama ya Juu zaidi ambako alihukumiwa kifungo cha miaka minane kwa makosa matatu ya awali, na kisha kwenda Gereza la Rumand la Bangkok.
Uongozi wa magereza huko unasema atawekwa kwenyeuangalizi maalum wa matibabu, kutokana na umri wake mkubwa pia atawekwa kizuizini kwa siku 10 – siku tano za kwanza ambazo atafungiwa kwenye chumba chake, viongozi walisema.
