Ni Mkali wa Nigeria, Patoranking ambae time hii anatarajiwa kuiandika rekodi wikiendi hii katika ardhi ya Samia Suluhu Hassan.
Akizungumza na Millardayo.com Mkurugenzi wa Str8upvibes, Sniper Mantana alisema…‘Desturi yetu siku zote ni kuendelea kuwapa kile wanachohitaji Mashabiki hivyo this time kushirikiana na Kinywaji cha Henessy tumeona watanzania ama wapenzi wa muziki wa Nigeria kuikata kiu ya burudani na kuamua kumleta Patoranking ambae kwanza mara ya kwanza atapiga show live na kuziimba nyimbo zake zinazopatikana kwenye album yake mpya “WORLD BEST” ambayo anatarajia kuachia Septemba 6, 2023 mwaka huu’
‘Hivyo hii ni heshima kwa Tanzania na wadau kuona msanii kama Patoranking kuamua kuja kufanya listening ya album yake katika nchi yetu ya Tanzania, hivyo show ni Agosti 27, 2023 katika chimbo la Kidimbwi Beach lililopo Mbezi Dar es Salaam, nawahakikisha jukwaa litakalofungwa na muziki wa siku hiyo haujawahi kutokea shabiki atakayeingia hatojutia kiingilio chake’- Sniper Mantana, Mkurugenzi wa Str8upvibes
‘Mjuze mwenzako njoo uimbe, njoo ushuhudie suprise zitakazoshushwa siku hiyo ya Agosti 27, 2023 na mimi na wewe hatojui labda uenda kwenye album hiyo labda kuna mwanabongofleva kashirikishwa hivyo usitake kupewa hadithi njoo upate burudani, njoo upate kilichobora Patoranking ataziimba zote kali Kidimbwi mahali penye fukwe ya bahari’- Sniper Mantana, Mkurugenzi wa Str8upvibes
Itakumbukwa collabo ya mwisho aliyowahi kuifanya Patoranking ni ile aliyomshirikisha Mkali wa Bongo Flevani, Diamond Platnumz iitwayo Kolo Kolo ambayo tangu iachiwa kupitia mtandao wa Youtube Mnamo Septemba, 9, 2022 imetazamwa na watu wasiopungua Milioni 27,489,617.
