Shirika la Umeme Tanzania TANESCO Mkoa wa Rukwa, linawataarifu wananchi wote wa mkoa wa Rukwa kuwa imezuka tabia ya wizi wa nyaya za copper kwenye Mashine umba (Transformer) na hivyo kusababisha ukosefu wa Umeme kwa Wananchi kwa vipindi tofauti tofauti.
Kwasasa wizi huu umejitokeza sana Wilaya ya Nkasi katika maeneo ya Kizi, Lyazumbi, Paramawe ,Hosptali ya Wilaya ya Nkasi na Msipazi Farm.
Shirika linawatahadharisha wananchi wote kuwa, wizi wa Miundombinu ya umeme ni kosa la Uhujumu Uchumi, hivyo hatua kali za kisheria zitachukuliwa dhidi ya wale wote watakao bainika kufanya matukio hayo ya wizi katika miundombinu ya umeme.
Aidha, shirika linatoa rai kwa wananchi wote kushiriki kuilinda Miundombinu ya Umeme na kuwabaini wale wote wanaofanya hujuma katika miundombinu ya umeme
Kwa hujuma zozote za miundombinu ya umeme,Tafadhali toa taarifa katika ofisi ya TANESCO iliyo karibu nawe na taarifa hiyo itakuwa ni siri.
Shirika halitaacha kuwashika mkono wale wote watakaofanikisha kuwabaini wanaofanya hujuma hizo katika miundombinu ya umeme.
Kwa taarifa za dharura,Tafadhali wasiliana nasi kupitia namba yetu ya huduma kwa wateja 0748550000.
