Mwanaume mmoja wa Iran na Iraq wanne walihukumiwa kifungo cha maisha jela kwa mauaji ya raia wa Marekani Stephen Troell mwaka 2022 huko Baghdad.
Mahakama ya Iraq ilimhukumu mtu huyo siku ya Alhamisi katika hatua iliyokaribishwa na Washington.
“Mtu huyo wa Iran ndiye aliyekuwa mpangaji wa uhalifu huo,” chanzo kimoja cha sheria kilisema. Wote watano waliohusika walikamatwa nchini Iraq punde tu baada ya Troell kuuawa.
Troell aliuawa baada ya jaribio la kutekwa nyara Novemba mwaka jana, polisi walisema wakati huo. Alikuwa akiishi Baghdad na familia yake. Vyombo vya habari vya Marekani viliripoti kuwa alikuwa mwalimu wa Kiingereza.
Troell aliuawa kwa kupigwa risasi alipokuwa akiendesha gari katika wilaya ya maduka ya Karada ya Baghdad, chanzo cha wizara ya mambo ya ndani ya Iraq kilisema mwaka jana.
Watu hao “walikiri” mauaji hayo na walisema walipanga kumteka nyara Troell ili wapate fidia lakini hawakuwa na nia ya kumuua, chanzo cha mahakama kiliambia shirika la habari la AFP.
Wairaqi hao wanne hawakutajwa lakini maafisa wa mahakama walisema walikuwa wanachama wa wanamgambo.
