Rais wa Tanzania, Dkt. Samia Suluhu Hassan amezindua Jengo la Umoja wa Posta Afrika (PAPU) leo September 02,2023 ambapo katika hotuba yake ameiomba PAPU iyafanye Mashirika ya Posta ya Afrika yaongeze wigo na ufanisi wa usafirishaji kwa kutumia Mashirika ya Ndege ya Afrika.
Rais Samia amesema “Tunaomba PAPU ifanye Mashirika ya Posta Afrika yaongeze wigo na ufanisi wa usafirishaji kwa kutumia Mashirika ya Ndege ya ndani badala ya kutumia Mashirika ya nje ya Afrika na hii itatufanya tuwe na connection ndani ya Afrika”
“Hali ilivyo sasa hivi ukitaka kwenda West Africa ni hadi uende Europe kwanza halafu uchukue connection uende West Africa, sasa Posta itulazimishe lazima ndege zetu zisafiri ndani ya Afrika kupeleka vifurushi na kusafirisha Watu”
“Lakini kingine Posta za Afrika ziwe na mfumo mmoja utakaowezesha kufanyika kwa biashara mtandao”
