Nyota wa Ligi Kuu ya Saudia, Fabio Martins anatarajia juhudi mpya za kumsajili Mohamed Salah kutoka Liverpool wakati dirisha la usajili la Januari litakapofunguliwa.
Wakati maafisa wa Saudi walipoidhinisha mpango wao mkubwa wa uwekezaji, Salah alitajwa kama kipaumbele cha juu cha uhamisho pamoja na kiungo wa Juventus Paul Pogba. Wawili hao walitengwa kwa ajili ya kuhama mwaka wa 2024 lakini, kwa upande wa Salah, mpango huo uliharakishwa kwa miezi 12.
Al Ittihad iliona dau la mdomo la pauni milioni 150 likirudishwa na, licha ya kuapa kuvunja rekodi ya uhamisho ya kimataifa – uhamisho wa Neymar wa pauni milioni 200 kwenda Paris Saint-Germain mnamo 2017 – walishindwa kuwashawishi Liverpool kukaribisha ofa kwa Salah.
Mkurugenzi wa Saudi Pro League Michael Emenalo hivi majuzi alikiri kwamba mlango bado uko wazi kwa msukumo mwingine wa kujaribu kumsajili Salah siku zijazo, na Martins, ambaye alijiunga na Al Khaleej Januari, anatarajia kuona juhudi hizo zikifanywa mara tu Januari.
“Iwapo uhamisho huu utafanyika, atakuwa nyota mwingine mkubwa kuwasili hapa nchini,” Martins aliambia Stats Perform kwenye Thinking Football Summit. “Kucheza dhidi ya Salah itakuwa maalum sana.
“Haikufanyika [wakati huu] lakini nadhani katika soko lijalo mwezi Januari, watajaribu kwa uhakika tena kumleta, na tuone kitakachotokea.
“Nitafurahi sana kwa sababu Salah ni mchezaji ninayempenda, anafanana nami, kwa sababu ya nywele, jinsi anavyocheza. Kwa hivyo, nampenda Salah, na ninatumai kwamba atakuja Saudi.”
