Ikiwa leo Octoba 6, 2023 ni staa kutokea Bongoflevani, Ben Pol ambae amekutana na waandishi wa Habari kutangaza uzinduzi wa ujio wa album yake ya tatu aliyoipa jina la Flamingo.
Akizungumza na vyombo vya habari alisema Album hiyo inatarajiwa kuzinduliwa mnamo Octoba 27, 2023 kwenye hotali ya Morena iliyopo Jijini Dodoma.
Aidha ameweza kueleza jina ama maana kamili ya Flamingo ambalo ndilo jina la Album yake hiyo mpya…“Flamingo ni ndege wa kipekee (ambaye yupo Tanzania, japo waTanzania wengi hawajui) ambae anasifika kwa kuwa na muonekano mzuri, rangi nzuri, na uwezo wake mkubwa wa kudumu na kuhimili katika mazingira magumu kuliko ndege wengine. Album hi nimeiita Flamingo kwa sababu uzuri wa melodies na ladha zilizoko humo ndani, na kwa heshima ya vibao vyangu vingine vilivyodumu kuwa vibao pendwa vya muda wote kama ambavyo Samboira, Sofia na Moyo Mashine nakadhalika”
