Hatimaye Uturuki inatazamiwa kupewa haki ya kuandaa michuano mikubwa ya kimataifa ya soka wiki hii wakati UEFA itakapoamua ni wapi Euro 2032 itaandaliwa.
Rais wa Uturuki, Recep Tayyip Erdogan kwa muda mrefu amekuwa na ndoto ya kuandaa moja ya hafla za kifahari zaidi za michezo nchini mwake.
Kamati kuu ya UEFA inakutana Jumanne, Oktoba 10, kutangaza waandaji wa Mashindano ya Uropa ya 2028 na 2032.
Uturuki ilisitisha ombi lake la kuandaa michuano hiyo mwaka wa 2028 ili kuelekeza nguvu zake zote kwenye pendekezo la umoja na Italia kuandaa michuano hiyo miaka minne baadaye.
Kushinda haki ya kuandaa hafla kubwa zaidi ya kimichezo barani Ulaya itakuwa moja ya nyakati kuu za wakati wake madarakani.
“Katika nyakati za kisasa, michezo daima imekuwa ikichukuliwa kama njia ya Uturuki kutengeneza uhalali wake na kushindana kwa usawa na mataifa mengine ya magharibi,” anasema Daghan Irak, mhadhiri wa mawasiliano ya vyombo vya habari katika Chuo Kikuu cha Huddersfield nchini Uingereza.
“Erdogan hajajitenga na mkakati huo wa kihistoria.”
Erdogan alikua waziri mkuu mwishoni mwa 2002, wakati huo huo ombi la pamoja la Uturuki na Ugiriki katika kipindi cha kuboresha uhusiano kati ya nchi hizo mbili kuandaa Euro 2008 lilishindwa.
UEFA ilikabidhi mashindano hayo kwa Austria na Uswizi.
Uturuki ilijiondoa yenyewe katika nia ya kuandaa michuano ya Euro 2012, lakini ikakosa nafasi ya kugombea pamoja Ukraine na Poland, huku mwaka 2016 ilishindwa na Ufaransa.
Kisha walikosa kufuzu kwa Ujerumani kwa Euro 2024, huku tathmini ya UEFA ya zabuni hiyo ikionyesha wasiwasi kuhusu “ukosefu wa mpango wa utekelezaji wa nchi katika eneo la haki za binadamu”.
