Wakati mzozo kati ya Israel na Hamas ukiendelea, watu mashuhuri wanatumia mitandao yao ya kijamii kutoa mawazo yao juu ya mzozo unaoendelea, ambao umesababisha mamia ya majeruhi kwa pande zote mbili.
Miongoni mwa waliojitokeza hivi punde kuliongelea suala hilo ni mwigizaji Dwayne Johnson, maarufu kwa jina la “The Rock”.
Dwayne alitumia Instagram kushiriki ujumbe mzito siku ya Jumatano, akikashifu vitendo vya ugaidi na kueleza masikitiko yake kwa kupoteza maisha ya watu wasio na hatia.
Katika chapisho lake, aliandika, “Nimeumia moyo, nimekasirika, na kuudhishwa na mauaji ya kikatili na utekaji nyara wa watu wa Kiyahudi kupitia vitendo vya kutisha vya kundi la kigaidi la Hamas.”
Muigizaji huyo, akikiri utata wa mzozo wa Mashariki ya Kati, alisisitiza umuhimu wa kuelewa muktadha na nuance. Aliendelea, “Ninachojua ni vitendo vya chuki vya ugaidi kama hivi kamwe havihalaliwi. Ninalaani na kukemea ugaidi, na katika wakati huu mgumu, moyo wangu unawahurumia wahasiriwa wasio na hatia na familia zinazoomboleza kwa ajili ya wapendwa wao waliopotea. naomba kwa ajili ya huruma na azimio. Ninaombea maisha yote yasiyo na hatia.”
