Takriban wanajeshi 169 wa Israel wameuawa katika mapigano na kundi la wanamgambo wa Kiislam wa Palestina Hamas baada ya wanamgambo wake kufanya mashambulizi ya kushtukiza kuvuka mpaka, jeshi lilisema Jumatano.
“Kufikia leo asubuhi, tumefahamisha familia za wanajeshi 169 wa IDF (jeshi) waliokufa,” msemaji wa jeshi Daniel Hagari aliwaambia waandishi wa habari, akiongeza kuwa familia za watu 60 waliotekwa nyara na kupelekwa Gaza pia zimewasiliana.
Alisema hakuna uvamizi mpya wa wanamgambo wa Gaza ulioripotiwa katika siku mbili zilizopita, lakini akaongeza kuwa “mamia ya miili” ya watu wenye silaha waliouawa bado haijaondolewa kwenye mpaka.
“Hii inaonyesha upeo wa mapigano katika eneo hilo,” Hagari alisema.
“Walikusudia kuliteka eneo hilo, hawakuwa wakipanga kuvamia na kurejea Gaza,” alisema. “Kuna watu ambao wamesalia uwanjani Katika siku iliyopita, tumewaua magaidi 18.”
Israel inakabiliwa na mashambulio ya kikatili yaliyoanzishwa na wanamgambo wa Hamas siku ya Jumamosi ambapo takriban watu 1,200 sasa wamethibitishwa kuuawa katika shambulio baya zaidi kuwahi kutokea katika historia ya miaka 75 ya nchi hiyo.
Huko Gaza, watu 1,055 wameuawa huku Israeli ikishambulia eneo hilo lenye watu wengi kwa mashambulizi ya kulipiza kisasi na makombora.
