Rapa maarufu wa Marekani, Offset, alichagua kusherehekea siku yake ya kuzaliwa ya mkewe, Cardi B kwa suprise ,ya kuijaza nyumba na petals za maua za gharama kubwa na mishumaa nzuri siku ya jana.
Katika video hiyo iliyotumwa kwenye mitandao ya kijamii na Cardi B, anaonekana akishuka kwenye ngazi huku maua yakiwa yametapakaa kwenye nyumba hiyo.
Sebuleni pia kuna mapambo makubwa yenye mishumaa na puto huku baadhi ya maputo yakiwa yamepangwa kusema “Heri ya siku ya kuzaliwa Cardi B”.
Wawili hao wameoana kwa miaka sita sasa na wana watoto wawili pamoja, ingawa Offset ana watoto kutoka kwa wanawake wengine.
Offset amekuja mtandaoni mara nyingi kumshukuru mke wake, mara moja alipomshukuru kwa kuwa mama mzuri kwa watoto wake kutoka kwa wanawake wengine.
