Mwimbaji wa Marekani Britney Spears amefichua kwamba alitoa mimba ya mtayarishaji wa rekodi, Justin Timberlake wakati wawili hao walikuwa kwenye uhusiano kati ya mwaka 1999 na 2002.
Katika riwaya yake ijayo ‘The Woman in Me’, Spears alisema, “Wakati mmoja tulipokuwa tukichumbiana, nilipata ujauzito wa mtoto wa Justin.”
Alisema alimpenda Timberlake “sana” na alitarajia kuwa na familia naye siku moja, ingawa ujauzito “ungekuwa mapema zaidi kuliko nilivyotarajia.”
Mwanamama huyo mwenye umri wa miaka 41 alisema Timberlake “hakika hakuwa na furaha kuhusu ujauzito huo. Alisema hatukuwa tayari kuwa na mtoto maishani mwetu, kwamba tulikuwa wachanga sana.”
Alisema kama ingeachiwa yeye peke yake, hangetoa mimba hiyo.
“Hadi leo, ni mojawapo ya mambo yenye kuhuzunisha sana ambayo nimewahi kupata maishani mwangu.”
