Mwanamume mmoja raia wa Marekani amekuwa akisambaa kwenye mitandao ya kijamii ya Ukraine baada ya kuonekana akiwa amevalia mavazi yanayofanana na ya Yesu Kristo na kubeba msalaba mkubwa wa mbao mabegani mwake akielekea Kyiv.
Akitambuliwa tu kama Jimmy kutoka Virginia, Mmarekani huyo amekuwa akivutia watu wengi wakati akipitia Poland na Ukraine kwa sababu ya mavazi yake yasiyo ya kawaida na msalaba mkubwa wa mbao begani mwake.
Aliambia vyombo kadhaa vya habari vya Ukraine ambavyo waandishi wa habari walimhoji kwamba hana lengo lolote bali ameamua moyoni mwake.
Aliondoka katika mji mkuu wa Poland wa Warsaw na anatumai hatimaye kufika mji wa Kyiv wa Ukraine kwa miguu, lakini anaacha mpango huo mikononi mwa Mungu.
Mwanamume huyo mwenye umri wa miaka 33 anadai kwamba anafanya tu kile ambacho moyo wake unamwambia afanye kwa sababu hiyo ndiyo njia bora ya kumheshimu Mungu.
Jimmy na msalaba wake wameripotiwa kuwa njiani kwa takriban mwezi mmoja sasa.
