Naibu Waziri wa Utamaduni, Sanaa na michezo, mheshimiwa Hamis Mwinjuma amewaomba wadau mbalimbali wa Michezo kuendelea kuunga mkono juhudi za Mheshimiwa Rais Samia Suluhu Hassan katika kukuza tasnia ya michezo kwa kuwekeza ili kusaidia kuibua vipaji Kuanzia kwenye vijiji na kata.
Mhe. Mwinjuma ameyasema hayo Baada ya kushuhudia mchezo wa fainali wa ligi ya mbunge wa Jimbo la Ulanga mkoani Morogoro mheshimiwa Salim Alaudin Hasham na kugawa vikombe kwa washindi ambapo pamoja na mambo mengine alipata nafasi ya kuzungumza na wakazi wa kata ya Mwaya.
Ligi hiyo imetamatishwa Jana oktoba 28 2023 katika uwanja wa shule ya Mwaya Kwa mchezo wa fainali Kati ya timu ya Gwasolly FC na Bodaboda Mawasiliano ambapo timu ya Gwasolly FC wameibuka mabingwa kwa mikwaju ya penati baada ya mchezo kutamatika dakika 90 bila kufungana.
Bingwa wa ligi hiyo amepata zawadi ya TSH Milioni 26 ambapo Milioni 25 watachagua mahali pa kujenga darasa na Milioni Moja watagawana wachezaji.
