Mwimbaji Staa Zuchu @officialzuchu leo November 04,2023 ametangaza nia yake ya kutaka kujiunga na Jumuiya ya Umoja wa Wanawake wa CCM (UWT) akisema zamani alifikiri Umoja huo ni wa Wanawake Watu wazima pekee lakini baada ya Jokate Mwegelo @jokatemwegelo kuwa Katibu Mkuu sasa ametambua kuwa hata Wasichana wanaweza kujiunga na UWT.
“UWT nashukuru kwa kunipa nafasi kama Binti naomba nitume salamu kwa Mama yangu Rais wa Tanzania Dkt. Samia Suluhu Hassan kwa kumteua Dada yetu Jokate, sisi kwetu huyu ni kama Role Model, zamani niliijua UWT kupitia Mama yangu (Khadija Kopa) nikajua ni ya Watu wazima tu kumbe UWT hadi sisi Mabinti inatuhusu”
“Kuanzia leo Katibu Jokate atanisaidia na Mimi nataka kujiunga UWT, Mabinti tunajiunga hatujiungi?, tunajiunga, UWT ni Jeshi kubwa , Jeshi la Mama na Jeshi la Rais wetu”
Zuchu amesema hayo wakati wa Kongamano la Kumpongeza Rais wa Zanzibar Dkt. Mwinyi kwa kutimiza miaka mitatu tangu awe Rais wa Zanzibar, kongamano hilo limeandaliwa na UWT na limefanyika katika viwanja vya Maisara, Zanzibar.
