Mpaka sasa watu kadhaa wameripotiwa kujeruhiwa na mlipuko uliotokea katika eneo la kuonyeshea video ambalo lilikuwa likionyesha mechi za kombe la dunia nchini Nigeria ambapo maafisa wa utawala wamesema mlipuko huo ulitokea katika jimbo la Yobe kaskazini mwa Nigeria.
Wanasema mashabiki waliokuwa wanatazama mechi ya kombe la dunia katika mji wa Damaturu walikumbwa na janga hilo jioni saa mbili kwa saa za Nigeria ambapo jimbo hilo la Yobe ni kati ya maeneo matatu nchini humo yenye amri ya kutotoka nje kwa sababu ya hali ya hatari kufuatia mashambulizi ya kila mara yanayotekelezwa na kundi la wapiganaji wa kiislamu la Boko Haram.
