Waziri wa Ulinzi wa Burkina Faso Kassoum Coulibaly alikuwa Moscow Jumanne na alikutana na waziri wa Ulinzi wa shirikisho la Urusi, na wakakubaliana kuimarisha uhusiano wa ulinzi.
Watawala wa kijeshi wa Burkina wamekuwa wakitafuta kubadilisha washirika wa kimataifa wa nchi hiyo.
“Mahusiano ya Urusi-Burkinabea yanategemea tu kanuni za kuheshimiana na kuzingatia masilahi ya kila mmoja, na katika miaka ya hivi karibuni wamepata mienendo chanya,” Sergey Shoigu wa Urusi alisema.
“Ninaona mkutano wa leo kuwa hatua nyingine katika maendeleo ya uhusiano wetu wa kirafiki.” Burkinabe Kassoum Coulibaly alipongeza kufanyika kwa mazungumzo na Rusia na kuyaita “awamu halisi ya vitendo”.
Viongozi hao wawili walifanya kile urais wa Burkina Faso ilichoita “mikutano ya kazi na kubadilishana uzoefu kati ya mawaziri kwa upande mmoja, na maafisa maalum kutoka kwa Wafanyikazi Mkuu wa Majeshi ya nchi hizo mbili kwa upande mwingine, kwa lengo la kuimarisha ujuzi na uwezo wa Jeshi la Kitaifa.”
