Jeshi la Israel siku ya Alhamisi lilitangaza vifo vya wanajeshi wengine wawili huko Gaza, na hivyo kuongeza idadi ya wanajeshi waliouawa katika ardhi ya Palestina hadi 50 tangu vita na wanamgambo wa Hamas kuanza.
Msemaji wa jeshi alithibitisha idadi mpya ya jumla ya AFP, baada ya kutangaza kuwa wanajeshi wawili waliuawa katika mapigano kaskazini mwa Gaza siku ya Jumatano.
Katika hatua nyingine Baraza la Usalama la Umoja wa Mataifa limetoa mwito wa “kurefushwa kwa usitishaji mapigano” chini ya misingi ya kiutu kwenye mzozo wa Ukanda wa Gaza. Hiyo ni mara ya kwanza kwa baraza hilo lenye jukumu la kusimamia amani ya ulimwengu kuvunja ukimya tangu kuanza kwa mzozo mbaya kabisa kati ya Israel na kundi la Hamas.
