Mahakama nchini Nigeria imemuachilia kwa dhamana aliyekuwa Gavana wa benki kuu Godwin Emefiele, ambaye ameshtakiwa kwa makosa sita ya ulaghai na rushwa.
Emefiele, aliyesimamishwa kazi kama mkuu wa benki kuu mwezi Juni na kukamatwa na idara za usalama, amekana mashtaka hayo.
Alipewa dhamana na Hakimu Hamza Muazu Jumatano kwa kuzingatia utoaji wa bondi ya naira milioni 300 (takriban $333,000) na wadhamini wawili wenye mali katika wilaya ya Maitama katika mji mkuu wa nchi hiyo Abuja.
“Kwa hivyo namkubali mwombaji [Emefiele] aachiliwe kwa dhamana kwa kufikishwa mahakamani,” Jaji Muazu alisema katika uamuzi wake.
Hakimu alimtaka Emefiele, 62, kuweka hati zake za kusafiria kwa mahakama na kusalia Abuja wakati kesi dhidi yake ikiendelea.
Mkuu huyo wa zamani wa benki ambaye aligombea kiti cha urais wa Nigeria ambacho hakijawahi kufanywa mwaka jana, alikuwa mmoja wa watu wenye nguvu zaidi nchini humo katika muongo mmoja uliopita.
Alikuwa mkuu wa benki hiyo kwa miaka tisa, zaidi chini ya mtangulizi wa Rais Bola Tinubu, Muhammadu Buhari.
Emefiele alisimamia mfumo uliokosolewa sana wa viwango vingi vya kubadilisha fedha vinavyotumika kuweka sarafu ya naira ya ndani kuwa imara.
