Hospitali ya Indonesia kaskazini mwa Gaza imelazimika kuwahamisha baadhi ya wagonjwa wake na wahudumu wa afya, wizara ya afya inayoongozwa na Hamas imesema.
Jumla ya 450 waliambiwa waondoke kwenye kituo hicho jana usiku na kwenda hospitali kusini mwa mkoa huo, msemaji wa Dkt Ashraf al Qudra alisema.
Angalau wagonjwa 220 bado wamenaswa ndani, aliongeza.
“Hospitali inabaki bila maji, dawa wala chakula. Yeyote atakayejaribu kuondoka hospitalini atalengwa na ndege zisizo na rubani,” alisema.
Hospitali ni mojawapo ya vituo vingi vya Gaza vilivyoharibiwa na mapigano, ukosefu wa mafuta na vifaa vya matibabu vinavyopungua.
Dk al Qudra alisema kuna zaidi ya miili 72 ndani ya hospitali hiyo, na “60 imelala chini” katika nyua zake.
“Bado tumezingirwa kwa wakati huu hospitalini, na tumeahidi kutoondoka hadi majeruhi na wagonjwa wote waondoke nasi, kwa sababu tukiwaacha, hatima yao itakuwa kifo,” alisema.
“Tunatoa wito kwa pande zote kuchukua fursa ya kusitishwa kwa misaada ya kibinadamu inapoanza ili misaada ya matibabu na mafuta yatiririke kwenye hospitali na kuondoka kwa majeruhi wengi kwa matibabu nje ya nchi.”
