Mwili wa Mwanafunzi Clemence Mtenga ambaye aliyefariki nchini Israel kwenye mapigano ya Israel na Palestina yanayoendelea umewasili nyumbani kwao katika kijiji cha Kirwa Kata ya Mashati Wilaya ya Rombo Mkoani Kilimanjaro kwa ajili ya maziko.
Baba Mkubwa wa Marehemu ambaye ni Mwenyekiti wa Ukoo Boniphace Mtenga amesema kijana huyo alihitimu elimu yake katika chuo cha SUA na baada ya hapo alikwenda Israel kwa ajili ya kuendeleza elimu yake kwa vitendo “alikua anapenda kufanya kazi kwa vitendo, eneo tulilokaa hapa alikuwa anapanda mboga”
Mwili wa Clemence uliwasili nchini Tanzania usiku wa November 27 2023 kupitia uwanja wa Ndege wa Kilimanjaro (KIA) na unatarajiwa kupumzishwa leo November 28,2023 katika kata ya Mashati.
