Rais wa Marekani Joe Biden na anayetaka kuwa mpinzani wake Donald Trump wamekuwa wakishambuliana huku kampeni ya Ikulu ya White House 2024 ikipamba moto.
Bw Biden alisema sehemu ya motisha yake ya kugombea muhula wa pili mwaka ujao ni kumzuia Mrepublican huyo, akiongeza kuwa “hatuwezi kumwacha ashinde”.
Katika mkutano wa Habari na Fox News, Bw Trump alisema anafikiria Bw Biden ni mzee sana kwa marudio kama hayo ya kisiasa.
Hakuna mgombea yeyote ambaye bado ndiye mteule rasmi wa chama chake.
Bw Trump bado yuko anaongoza katika kinyang’anyiro hicho kwenye chama cha Republican hata ingawa anakabiliwa na kesi nne za uhalifu. Bw Biden, kama rais aliye madarakani, ndiye mteule wa chama cha Democratic.
Kura za maoni za sasa zinaonyesha ushindani mkali katiyao.
Akizungumza na wanahabari kwenye hafla ya kuchangisha pesa ya kampeni karibu na Boston, Bw Biden alisema: “Kama Trump hangegombea, sina uhakika ningegombea. Lakini hatuwezi kumwacha ashinde.”
