Nchini Somalia, serikali ilitangaza wiki hii kifo cha kiongozi mkuu wa Al Shaba, Maalim Ayman. Aliuawa mwezi Desemba katika operesheni ya pamoja ya jeshi la Somalia na vikosi vya Marekani, aliongoza kikosi cha wasomi cha Al Shabab.
Jumanne, Desemba 19, 2023, Kamandi ya Jeshi la Marekani barani Afrika (AFRICOM) ilitangaza kwamba ilimuua “mwanamgambo wa Al Shaba” mnamo Desemba 17 kusini mwa Somalia, karibu na Jilib, katika shambulio la anga lililotekelezwa kwa uratibu na jeshi la Somalia.
Siku mbili baadaye, siku ya Alhamisi, Waziri wa Habari wa Somalia alitangaza kuwa Maalim Ayman ndiye aliyeuawa. Kulingana na Mogadishu, alihusika katika kupanga mashambulizi kadhaa nchini Somalia na nchi jirani.
Washington ilimlenga hasa kwa shambulio la Januari 5, 2020 dhidi ya Camp Simba, kituo cha mafunzo na usaidizi cha Marekani na Kenya katika mapambano dhidi ya ugaidi. Kambi hii ya kijeshi iko Manda Bay, karibu na kisiwa cha kitalii cha Lamu, kwenye pwani ya Kenya na kwa hivyo kusini mwa eneo la Somalia.
Wamarekani watatu waliuawa katika mapigano hayo, pamoja na washambuliaji wanne.
