Nchini Sudan, tangu Desemba 15, mapigano kati ya jeshi la Jenerali Al-Burhan na Vikosi vya Msaada wa Haraka (FSR) vya Jenerali Mohamed Hamdane Daglo, anayejulikana kama Hemetti, yamefika katika jimbo la Gezira, kusini mwa Khartoum.
FSR wanaendelea na mafanikio yao kuelekea kusini na sasa wako karibu na mji wa Sennar. Mashambulizi haya ya kijeshi katika eneo ambalo hadi sasa yameepushwa na mapigano yamesababisha idadi kubwa ya watu kuyahama makazi yao.
Katika siku chache tu, zaidi ya watoto 150,000 wameondoka makwao kutokana na mapigano katika jimbo la Gezira, kulingana na UNICEF. “Wimbi hili jipya linaweza usababisha watoto na familia ambazo zinaswa kati ya mistari ya mapigano au kukabiliwa na mapigano,” amekasema mkurugenzi mkuu wa shirika hilo, Catherine Russell.
Tangu kuanza kwa vita vya wenyewe kwa wenyewe mwezi Aprili, watoto milioni tatu wamelazimika kukimbia. Wengi wao ndani ya nchi na wengi kutoka eneo la Darfur. Kiasi kwamba Sudan inakumbwa na mzozo mkubwa zaidi wa kuhama kwa watoto duniani.
Vita nchini Sudan: “Athari kwa raia ni kubwa sana, lazima tuongeze juhudi zetu ili mzozo huu umalizike”
UNICEF inakadiria kuwa watoto milioni 8 wa Sudan watahitaji msaada muhimu wa kibinadamu mwaka ujao. Lakini ufadhili kwa kiasi kikubwa hautoshi. Shirika hilo linakabiliwa na upungufu wa dola milioni 840 kukidhi mahitaji ya maji, lishe na afya.
