Mvua kubwa iliyonyesha usiku wa kuamkia leo katika jimbo la Kivu Kusini mashariki mwa Jamhuri ya Kidemokrasia ya Kongo (DRC) ilisababisha mafuriko na maporomoko ya ardhi, na kuua takriban watu 40, vyombo vya habari vya ndani viliripoti Jumatano.
Takriban watu 20 walipatikana wamekufa katika mji mkuu wa jimbo la Bukavu huku miili ya wengine 20 ikigunduliwa katika kijiji jirani cha Burhinyi, ripoti zilisema, zikinukuu ofisi ya gavana.
Juhudi za utafutaji na uokoaji zinaendelea, na kuna wasiwasi kwamba huenda idadi ya waliofariki ikaongezeka.
Mwezi Mei mwaka huu, takriban miili 438 ilipatikana katika maeneo ya Wilaya ya Kalehe huko Kivu Kusini yaliyokumbwa na mafuriko kutokana na mvua kubwa iliyonyesha.
DRC, iliyoko katika ukanda wa hali ya hewa ya kitropiki, mara nyingi hukumbana na majanga ya asili wakati wa msimu wa mvua.
