Mkurugenzi wa michezo wa Barcelona Deco amethibitisha kuwa klabu hiyo haina mpango wa kumsajili beki wa kati Ronald Araujo.
Manchester United na Bayern Munich zote zimemtafuta Araujo katika miezi ya hivi karibuni kwa matumaini ya kufaidika na wasiwasi wa kifedha wa Barcelona, lakini ripoti mapema mwezi huu zilisema kwamba beki huyo hana nia ya kuondoka kwa wakati huu.
Ahadi hiyo sasa imeungwa mkono na Deco, ambaye alipuuza uvumi baada ya ushindi wa 4-2 wa Barcelona dhidi ya Real Betis Jumapili.
“Yeye ni mmoja wa wachezaji muhimu wa Barca kwa sasa na siku zijazo,” Deco alisisitiza. “Hatufikirii kumuuza, tunataka afurahi na hili linaonyeshwa siku hadi siku.
“Hakuna cha kuzungumza. Cha muhimu ni kwamba yuko hapa na njaa ya ushindi na kwa moyo.”
