Mourinho alitimuliwa na Roma mwezi uliopita na tangu wakati huo amekuwa akihusishwa na majukumu mengi barani Ulaya na Saudi Pro League.
Bayern wako katika nafasi ya pili kwenye Bundesliga na waliangukia kwa pointi tano nyuma ya viongozi Bayer Leverkusen kufuatia kupoteza kwa mabao 3-0 kwenye uwanja wa BayArena Jumamosi.
Jarida hilo linaandika: “Jose Mourinho anaripotiwa kutaka kazi ya Bayern Munich na tayari ameanza masomo ya Kijerumani endapo nafasi itatokea kuchukua nafasi ya Thomas Tuchel.
“Tuchel, meneja mwingine wa zamani wa Chelsea, aliiongoza Bayern kutwaa ubingwa wa Ujerumani mwaka jana baada ya kuchukua nafasi ya Julian Nagelsmann katikati mwa msimu.
Hata hivyo, yuko chini ya shinikizo kufuatia kichapo kikali cha mabao 3-0 Jumamosi usiku dhidi ya wapinzani wao wa ligi Bayer Leverkusen.
