Mwimbaji wa Nigeria, Ahmed Ololade, almaarufu Asake, ameongoza orodha ya wasanii waliotiririshwa zaidi kwenye ngoma zake nchini Nigeria.
Chati za TurnTable zilitangaza hili katika orodha iliyotolewa kwenye akaunti yake rasmi ya X Jumatano.
Katika orodha ya wasanii wa Nigeria waliotiririshwa zaidi mwaka 2023, mwimbaji huyo aliongoza orodha hiyo akiwa na mitiririko milioni 654.
Alipata mitiririko milioni 654 kwenye Boomplay, Spotify, YouTube na Apple Music.
Seyi Vibez alishika nafasi ya pili kwa mitiririko milioni 533 baada ya kutoa albamu 2 na EP 2, huku Davido akiwa wa 3 kwenye orodha hiyo akiwa na mitiririko 328 kwa hisani ya albamu yake ya nne ‘Timeless’.
Omah Lay anashika nafasi ya 4 akiwa na mitiririko milioni 301 huku Burna Boy akiibuka kati ya 5 bora kwenye orodha hiyo akiwa na mitiririko milioni 282 iliyosaidiwa na kutolewa kwa albamu yake ya saba ‘I Told Them’.
