Aliyekuwa Rais wa Marekani, Donald Trump amezindua viatu vyake vilivyopewa jina la ‘Never Surrender High Top’.
Mpaka sasa Trump amesambaza jozi elfu moja tu za viatu hivyo ambavyo bei yake ni Dola za Kimarekani 399, sawa na shilingi mil 1.01 za Kitanzania akiwa rais wa kwanza kuuza viatu.
Trump anatarajiwa na wengi kuwa mgombea wa chama cha Republican katika uchaguzi wa rais wa Marekani mwezi Novemba mwaka huu.
Rais huyo wa zamani amekuwa pia akiandamwa na kesi za udhalilishaji dhidi ya wanawake, akikana kuwa kesi hizo zina mlengo wa kumchafulia njia yake ya kurudi tena Ikulu.
Uzinduzi huo unakuja siku moja baada ya jaji kuamuru Trump alipe karibu $355m (£281m) kwa jimbo la New York kwa kudanganya kuhusu thamani ya mali yake.
