Mwenyekiti wa Umoja wa Wanawake wa CCM UWT Mary Chatanda ameibuka na kuzitaka Jumuiya za wanawake wa vyama vyote nchini kuweka itikadi pembeni na kuwahamasisha wanawake kugombea nafasi za uongozi katika chaguzi za serikali za mitaa na vijiji na vitongoji nchini.
Chatanda ametoa kauli hiyo wakati akizungumza na wanahabari katika semina ya Sera,Jinsia na Utumishi wa Jamii kwa wajumbe wa Kamati ya utekelezaji ya Baraza Kuu la UWT iliyofanyika jijini Dodoma.
“Tunakwenda kuwahamasisha waone sasa ni wakati muafaka wanawake kujitokeza niwaombe wanawake wenzangu nchi nzima tuondoe haya mambo ya vyama twende tusimamia suala la wanawake tunataka wanawake wengi waingie katika uongozi wa vitongoji,vijiji na mitaa na mwakani uchaguzi wa madiwani,wabunge na Rais” Mary Chatanda Mwenyekiti wa UWT
