Kocha wa Manchester City Pep Guardiola ameomba radhi kwa Kalvin Phillips kwa kusema kuwa kiungo huyo alikuwa “mzito” aliporejea kutoka kwenye Kombe la Dunia la Qatar.
Guardiola alitoa maoni hayo mwezi Disemba 2022, akieleza ni kwa nini Phillips aliachwa nje ya kikosi chake cha mechi ya raundi ya nne ya Kombe la Carabao dhidi ya Liverpool.
Alipoulizwa kuhusu maoni hayo mapema mwezi huu, Phillips alisema yalikuwa ni ” pigo kubwa kwa kujiamini.”
“Samahani,” Guardiola alisema. “Ninaomba msamaha kwake. Samahani sana.”
Guardiola alisema alizungumza na mchezaji huyo mwenye umri wa miaka 28, ambaye alijiunga na West Ham kwa mkopo mwezi uliopita, kuhusu suala hilo aliporejea kutoka mapumziko mafupi mara baada ya Kombe la Dunia.
“Nilizungumza naye juu ya hilo,” aliongeza mkufunzi huyo wa City. “Sijawahi kusema kitu hapa [kwa vyombo vya habari] bila kuzungumza na mchezaji.”
Phillips amevumilia mwanzo mgumu katika kipindi chake cha mkopo huko West Ham.
