Roketi ya anga za mbali iitwayo Kairos ya nchini Japan imelipuka sekunde kadhaa baada ya kurushwa siku ya Jumatano. Kampuni binafsi ya Space One ilikuwa ikijaribu kuwa ya kwanza kurusha satelaiti katika anga za mbali.
Roketi ya Kairos yenye urefu wa mita 18 na hatua nne ililipuka sekunde chache baada ya kunyanyuka baada ya saa 11:01 asubuhi (saa za huko), ikiacha moshi mkubwa, moto, vipande vya roketi hiyo na vinyunyizio vya maji ya kuzimia moto karibu na sehemu ya jukwaa, inayoonekana kwenye vyombo vya habari vya ndani katika uzinduzi huo magharibi mwa Japani.
Space One ilisema safari ya ndege “ilikatishwa” baada ya uzinduzi na ilikuwa ikichunguza hali hiyo, shirika la habari la Reuters liliripoti.
Tukio hili linakuja wakati serikali ya Japan pamoja na wawekezaji wakijaribu kukabiliana na mahitaji makubwa ya satelaiti kwa ajili ya biashara.
