Nyota wa Inter Miami Lionel Messi anauguza jeraha la mguu ambalo huenda likamfanya kukosa mechi ijayo ya timu hiyo.
Messi alitoka katika ushindi wa 3-1 wa Jumatano dhidi ya Nashville dakika chache tu baada ya kipindi cha pili, na kocha Gerardo “Tata” Martino alisema mchezaji huyo mwenye umri wa miaka 36 alikuwa akipata usumbufu katika eneo lake la paja la kulia. Aliondolewa kwenye mchezo kama tahadhari.
“Amezidiwa katika sehemu ya nyuma ya kulia,” Martino alisema kupitia mfasiri. “Hatutaki kufanya ikwawa hatari. Tulijaribu kuona kama anaweza kwenda mbali zaidi (katika mchezo), lakini ilikuwa inamsumbua kwa hivyo tulipendelea kumfanya atoke nje ya mchezo.”
Messi alifunga bao na asisti kabla ya kuondoka kwenye mchezo dakika ya 50.
Martino alisema Messi huenda akapumzishwa kwa mechi ya Inter Miami ya MLS dhidi ya D.C. United Jumamosi kama tahadhari zaidi.
Messi alikuwa amecheza kila dakika ya msimu kabla ya kupumzishwa katika kipigo cha 3-2 Jumapili kwa Montreal.
Alijeruhiwa mwishoni mwa mechi ya mkondo wa kwanza wa hatua ya 16 bora ya Kombe la Mabingwa wa CONCACAF huko Nashville Alhamisi iliyopita
