Jeshi la Polisi Kanda Maalum ya Dar es salaam inawashikilia watuhumiwa wawili wa ujambazi ambao wanahusishwa na mauaji ya Mtawa wa Kanisa Katoliki Sista Clezensia Kapuli.
Mbali na watuhumiwa hao pia watu wengine sita wanashikiliwa wakihusishwa na matukio mbali mbali ya ujambazi hapa nchini.
Kamanda wa Polisi Kanda Maalum ya Dar es salaam, Kamishna Suleiman Kova, amewataja majambazi wanaohusishwa na mauaji ya Sista huyo kuwa ni Manase Ogenyeke “mjeshi” (35) mkazi wa Tabata Chang’ombe na Hamis Shaban “Carlos” mkazi wa Magomeni mwembechai.
Wengine waliokamatwa kutokana na matukio mengine ya ujambazi ni Beda Mallya miaka (37) mkazi wa Mbezi msakuzi, Michael Mushi (50), Sadick Kisia (32), Elibariki Makumba (30), Nurdini Suleiman (40) pamoja na Mrumi Salehe (38).
Majambazi hao wamekamatwa kutokana na Operesheni inayoendelea jijini Dar es Salaam baada ya kifo cha Mtawa huyo kilichotekea Juni 23 mwaka huu, kamanda Kova amesema majambazi hao wawili pia wanahusika na tukio la uporaji fedha katika Benki ya Barclays tawi la Kinondoni lililotokea miezi michache iliyopita.
Ni halali yako kupata kila stori inayonifikia mtu wangu, niko tayari kukutumia wakati wowote kupitia twitter instagram na facebook ukijiunga na mimi kwa kubonyeza >>> twitter Insta FB
