Gareth Southgate amemtazama mchezaji wake wa mwisho wa timu ya taifa ya Uingereza kabla ya kutaja kikosi chake cha Euro 2024.
Sasa anakabiliwa na maamuzi magumu ambayo yanaweza kufanya au kuvunja kampeni yao.
Jude Bellingham alifunga bao la dakika za lala salama katika sare ya 2-2 kwenye uwanja wa Wembley Jumanne, ambayo iliinua hali baada ya kushindwa 1-0 na Brazil wikendi.
Mechi za kirafiki si kielelezo cha kutegemewa cha uwezekano wa timu kucheza wakati presha inapokuwa kweli lakini Southgate alipata taarifa muhimu kuhusu wachezaji wake katika mechi mbili za London.
Uingereza itasafiri hadi Ujerumani mwezi Juni miongoni mwa timu zinazopewa nafasi kubwa ya kutwaa Ubingwa wa Uropa kwa mara ya kwanza baada ya kuibuka na ushindi mnono dhidi ya Italia katika fainali ya 2021.
Katika kile ambacho kinaweza kuwa kizungumkuti cha mwisho cha Southgate kama kocha wa England, shinikizo litakuwa kubwa kwa upande wa timu hiyo hatimaye kutoa taji la kwanza kuu tangu Kombe la Dunia la 1966.
Meneja huyo ambaye amekuwa kwenye usukani tangu 2016, anakiri kuwa atalazimika kutathmini rasilimali zake hasa kutokana na kuandamwa na majeraha ambayo yametatiza maandalizi yake.
