Jeshi la Israel lilitoa onyo upya kwa Wapalestina kutorejea kaskazini mwa Gaza, siku moja baada ya vikosi vyake kuwafyatulia risasi raia.
Jeshi lilisema Wapalestina wanapaswa kusalia kusini mwa Gaza ambako wameambiwa wajikite kwa sababu kaskazini ni “eneo hatari la mapigano”, msemaji wa jeshi la Israel Avichay Adraee aliandika kwenye jukwaa la kijamii X.
Mamlaka ya hospitali ya Gaza imesema takriban watu watano walipigwa risasi na wanajeshi wa Israel walipokuwa wakijaribu kuelekea kaskazini. Wanajeshi wa Israel hawakuwa na maoni ya mara moja juu ya majeruhi.
Waliorejeshwa walisema walisukumwa kufunga safari hiyo kuelekea kaskazini kwa sababu walikuwa wamechoshwa na hali ngumu waliyolazimishwa kuishi wakiwa wameyahama makazi yao.
