Ni April 19, 2024 ambapo Kocha wa timu ya Young Africans, Miguel Gamondi amefunguka mbele ya Waandishi kuelekea mchezo wa Derby ya Kariakoo Wababe Simba na Yanga unaotarajiwa kuchezwa siku ya Jumamosi April 20, 2024 katika uwanja wa Benjamini Mkapa Jijini Dar es Salaam.
“Mashabiki wetu wamekuwa nyuma yetu wakati wote, hata dakika ambazo hatuchezi vizuri Uwanjani wamekuwa wakiendelea kushangilia kwa nguvu na kutupa nguvu”
Nina amini kesho kutakuwa na namba kubwa ya mashabiki wetu Uwanjani na tumejiandaa kwa mchezo mzuri”- Miguel Gamondi
“Mchezo wa kesho ni mchezo mgumu na tunajua wanataka kuja kucheza ili washinde mechi na kulipa kisasi lakini tumejiandaa kwa hilo, sisi tuna timu imara ambayo inaweza kucheza kwenye presha ya aina yoyote. Kama wanadhani wakija na presha ya kulipa kisasi inaweza kuwasaidia basi linaweza pia kuwa kosa”- Kocha Mkuu Miguel Gamondi
