The Runners Club kupitia the Runners Sports Agency imeandaa mbio za Dar City Marathon 2024 ambazo zitashirikisha 21.1km, 10km na 5km zitakazofanyika Mei 5, 2024 kuanzia kwenye viwanja vya Mnazi Mmoja, Ilala Dar es Salaam na kupita kwenye maeneo mbalimbali ya jiji la Dar.
Mbio hizo ambazo zimedhaminiwa na Absa Bank Tanzania Limited zimelenga kujenga afya kwa watu kupitia mazoezi ya kukimbia, fedha zitakazopatikana kutokana na usajili zitasaidia kununua vifaa mbalimbali ambavyo vitapelekwa kwenye wodi ya wazazi na watoto katika Hospitali ya Mnazi Mmoja.
Gharama za usajili ni Tsh. 35,000 kwa kila mtu ambapo atapatiwa t-shirt, namba maalum ya kukimbilia, kifungashio cha vifaa, medali baada ya kukimbia, viburudisho akiwa njiani wakati wa kukimbia.
